“Праўда — заўсёды рэальны крок да вызвалення.” Карлас Шэрман  

“У Беларусі мне падабаецца настолькі, што тут я гатовы сядзець у турме”. Ігар Банцэр, былы палітзняволены, музыка

“Воля людзей працягваць казаць праўду — самая значная праява сілы, што толькі можна ўявіць”. Наталля Каляда

“Вершы [Максіма Багдановіча] я вучыў на памяць у 17 год, затым чытаў падчас экскурсій. Яны кранаюць мяне і зараз, калі я сяджу на нары, праглядаю абдрапаны томік вершаў Максіма Багдановіча 1968 года выдання з выдранымі некаторымі старонкамі і паглядаю на вежу Пішчалаўскага замка, якая ззяе белізной на сонцы”. Алесь Бяляцкі, сябра ПЭНа, праваабаронца і палітзняволены, дырэктар Літаратурнага музея Максіма Багдановіча з 1989 па 1998 гады.

“Я стаю тут з кветкамі ў цёплым месцы ў бяспецы, але нагадаю, што дзясяткі беларускіх літаратараў, журналістаў, пісьменнікаў, эсэістаў знаходзяцца цяпер у жахлівых умовах беларускіх турмаў і на іх мусіць быць скіраваная наша ўвага”. Ева Вежнавец

“Наша сіла ў праўдзе, праўда — у слове”.

“Мы павінны выкарыстоўваць свой аўтарытэт, свой голас, каб свет пра нас не забываўся. Беларусь — таксама Еўропа, мы самі мусім гэта прыняць і казаць на ўвесь свет.” Альгерд Бахарэвіч

"Быць сумленным перад гледачамі — абавязак творчай асобы." Віктар Бабарыка

«Сіл няма такіх, каб нас перадушыць». Алесь Дудар  

“Любы кепскі час заканчваецца. Прыйдуць добрыя часы. Нават у самай кепскай сітуацыі можна знайсці добрае. Калі ты не ў турме, гэтаму ўжо можна радавацца. Хоць мы ўжо доўга церпім, аказваецца, трэба яшчэ пацярпець нейкі час”. Зміцер Фурманаў