Беларускі ПЭН – абарона свабоды выказвання і развіццё культуры
Творчы і праваабарончы – два ключавыя кірункі дзейнасці Беларускага ПЭНа.
Творчы кірунак – літаратурныя прэміі (імя Алеся Адамовіча, Францішка Багушэвіча, Ежы Гедройця, Наталлі Арсенневай, Карласа Шэрмана, Міхала Анемпадыстава, «Дэбют» імя Максіма Багдановіча ды інш.), фестывалі (Вандроўны Фэст Караткевіча, PRADMOVA), аўдыятэка, творчыя рэзідэнцыі і адукацыйныя праекты (Перакладніцкая майстэрня). Усё тое, што дапамагае зрэалізаваць творцам свой патэнцыял і сфармаваць супольную прастору, спрыяльную для развіцця культуры.
У межах праваабарончага кірунку Беларускі ПЭН сочыць за сітуацыяй у сферы культуры, кожныя два тыдні публікуе хронікі парушэнняў правоў, а таксама робіць на падставе гэтага маніторынгу аналітычныя справаздачы.
Беларускі ПЭН дапамагае рэпрэсаваным дзеячам культуры ў Беларусі і збірае сродкі на падтрымку культурніцкіх дзеячаў Украіны ў сувязі з вайною.
Беларускі ПЭН ліквідавалі ў Беларусі рашэннем Вярхоўнага суда 9 жніўня 2021 года, на гадавіну прэзідэнцкіх выбараў. За 2020–2022 гады мы перажылі праверкі Міністэрства юстыцыі, ператрусы, юрыдычную ліквідацыю, блакаванне сайта, рэлакацыю актыву ў Варшаву – але ні на дзень не спынялі сваёй працы.
Нобелеўская лаўрэатка па літаратуры Святлана Алексіевіч, а таксама адзін з намінантаў на Нобелеўскую прэмію міру Алесь Бяляцкі (цяпер палітзняволены) – сябры Беларускага ПЭНа
Цяпер Беларускі ПЭН зарэгістраваны ў Польшчы і працягвае сваю дзейнасць як асацыяцыя (stowarzyszenie).
Telegram – PENBelarus
Facebook – penbelarus.org
Instagram – pen_belarus
Як нас можна падтрымаць?
- Падпісацца на наш Patreon (прапануем некалькі ўзроўнеў падтрымкі)
- Зрабіць ахвяраванне праз спасылку
- Зрабіць ахвяраванне, адсканаваўшы код:
