Людзі Слова ў няволі (29)
Пошук

Пісьменнікі ўсяго свету салідарныя з Украінай


Нобелеўскія лаўрэаты, пісьменнікі і мастакі ўсяго свету асуджаюць уварванне Расіі ва Украіну. Ліст падпісалі больш за 1000 чалавек

Нашым сябрам і калегам ва Украіне

Мы, пісьменнікі розных краін, узрушаны гвалтам, развязаным ва Украіне расійскімі войскамі, і патрабуем неадкладна спыніць кровапраліцце.

Мы асуджаем бессэнсоўную вайну, развязаную прэзідэнтам Пуціным, які адмаўляецца прызнаць права ўкраінскага народа будаваць сваю будучыню і сваю гісторыю без умяшання Масквы.

Мы ўсе падтрымліваем пісьменнікаў, журналістаў, мастакоў і ўсіх жыхароў Украіны, якія перажываюць зараз самыя цяжкія часы. Мы разам з вамі, мы адчуваем ваш боль.

Усе людзі маюць права на мір, на свабоду слова і свабоду сходаў.

Вайна, развязаная Пуціным, – гэта атака на дэмакратыю і свабоду не толькі ва Украіне, але і ва ўсім свеце.

Мы заклікаем да міру і спынення прапаганды, якая сілкуе вайну.

Не можа быць свабоднай і бяспечнай Еўропа без свабоднай і незалежнай Украіны!

Свет павінен перамагчы.

Спіс подпісаў на сайце Міжнароднага ПЭНа па спасылцы.