21 сакавіка, напярэдадні Дня Волі, у Мінску быў затрыманы прызнаны беларускі паэт, лаўрэат міжнародных літаратурных прэмій, Ганаровы старшыня Беларускага ПЭН-цэнтра Уладзімір Пракопавіч Някляеў.

З 25 па 29 чэрвеня 2013 года на возеры Рака ў Браслаўскім раёне прайшоў летнік маладых літаратараў, у якім удзельнічалі пераможцы конкурсу Беларускага ПЭН-цэнтра імя Максіма Танка.

У нас добрыя навіны: да правядзення літаратурнага конкурсу “Экслібрыс” далучылася інтэрнэт-крама электронных кніг ebooks.prestigioplaza.com. Перамога ў “Экслібрысе” прынясе аўтару не толькі заслужаную славу дзіцячага пісьменніка, але і новую мадэль планшэта Prestigio MultiPad 8.0 3G Note.

Пабачыў свет новы нумар часопіса перакладной літаратуры "ПрайдзіСвет".

28 траўня (аўторак) у кнігарні “логвінаЎ” (пр-т Незалежнасці, 37А) адбудзецца прэзентацыя дэбютнага паэтычнага зборніка Віялеты Пачкоўскай “Арэхападзенне”. Кніга выйшла ў серыі “Пункт адліку” Бібліятэкі Саюза беларускіх пісьменнікаў “Кнігарня пісьменніка”.

21 сакавіка, у Сусветны дзень паэзіі, у мінскай галерэі “Ў” адбылося ўручэнне літаратурнай прэміі “Дэбют” імя Максіма Багдановіча. Прэмія праводзіцца ўжо трэці год запар традыцыйна ў трох намінацыях: паэзія, проза, мастацкі пераклад. Арганізатарамі прэміі выступілі Беларускі ПЭН-Цэнтр і ГА “Саюз беларускіх пісьменнікаў”.

Сёння, 1 сакавіка, у канферэнцыйнай зале Princess гатэля Crowne Plaza абвясцілі пераможцу літаратурнай прэміі імя Ежы Гедройца. Яе другім лаўрэатам стаў Уладзімір Някляеў. Ён атрымае 115 мільёнаў рублёў за кнігу “Аўтамат з газіроўкай з сіропам і без”.

ГА “Саюз беларускіх пісьменнікаў” і Беларускі ПЭН-цэнтр з 1 студзеня 2013 года абвяшчаюць пра пачатак прыёму твораў на конкурс маладых пісьменнікаў “Экслібрыс” імя Янкі Маўра. У 2013 годзе споўніцца 130 гадоў з дня нараджэння вядомага дзіцячага пісьменніка, а таму сёлета тэмай конкурсу абраная дзіцячая літаратура.