Сябра Беларускага ПЭНа, Саюза беларускіх пісьменнікаў, Беларускай асацыяцыі журналістаў (БАЖ), ганаровы сябра ПЭН-Цэнтра Літвы.
У 1994 годзе Аляксандр Фядута быў удзельнікам каманды Лукашэнкі, працаваў у Адміністрацыі Прэзідэнта, адкуль звольніўся на знак пратэсту пасля з’яўлення праяў цэнзуры ў прэсе. На выбарах 2010 года Аляксандр Фядута працаваў у перадвыбарным штабе кандыдата ў прэзідэнты паэта Уладзіміра Някляева. Пасля брутальнага разгону Плошчы быў арыштаваны 20 снежня 2010 года і змешчаны ў СІЗА КДБ. У той час быў прызнаны палітвязнем.
Аўтар кніг: «Американские стихи» (2012), «Мой маленький Париж» (2014). З’яўляецца аўтарам палітычнай біяграфіі Лукашэнкі «Лукашэнка. Палітычная біяграфія» (выйшла ў расійскім выдавецтве «Рэферэндум» у 2005 годзе). Аўтар перакладу мемуараў «Успаміны пра мінулае» паэта Антонія Эдварда Адынца (2020).
У 2010-2011 гадах у СІЗА КДБ («Амерыканцы») напісаў кнігу «Амерыканскія вершы», за якую стаў лаўрэатам прэміі імя Алеся Адамовіча Беларускага ПЭНа.
12 красавіка 2021 года Аляксандр Фядута перастаў выходзіць на сувязь. 13 красавіка стала вядома, што Аляксандр Фядута, які ў той час знаходзіўся ў Маскве, быў затрыманы КДБ Беларусі «па непасрэдна ўзніклым падазрэнні ў здзяйсненні злачынства» (арт. 108 КПК).
Пра факт затрымання паведаміла дзяржаўнае інфармацыйнае агенцтва са спасылкай на КДБ.
У дачыненні да Аляксандра Фядуты распачатая крымінальная справа па частцы 1 артыкула 357 (змова або іншыя дзеянні, учыненыя з мэтай захопу дзяржаўнай улады).
20 красавіка 2022 года прызнаны палітвязнем.
На пачатку траўня 2022 года быў пераведзены з СІЗА-1 у СІЗА КДБ. Ён пачаў знаёміцца з матэрыяламі справы. У канцы траўня Аляксандра перавялі назад у СІЗА-1.
9 чэрвеня 2022 г. Генпракуратура паведаміла, што справу “аб змове з мэтай захопу дзяржаўнай улады” накіравалі ў суд.
5 верасня Мінскі абласны суд на выязным пасяджэнні ў адкрытым працэсе вынес прысуды ў крымінальнай справе «аб змове з мэтай захопу дзяржаўнай улады», паводле якой, сярод іншых, асуджаны Аляксандр Фядута. Яму прысудзілі 10 гадоў пазбаўлення волі ў калоніі ўзмоцненага рэжыму паводле арт. 357 Крымінальнага кодэкса (змова з мэтай захопу ўлады неканстытуцыйным шляхам). Падчас судовага працэсу Аляксандр Фядута прызнаў сваю віну часткова і не пагадзіўся з агучанымі ў абвінавачванні матывамі.
Адрас для ліставання: Фядута Аляксандр Іосіфавіч, СІЗА № 1, 220030, вул. Валадарскага, 2, г. Мінск.