Відэа ў падтрымку беларусаў запісаў амерыканскі кангрэсмэн штата Масучусетс, cу-старшыня Камісіі Па Правах Чалавека Тома Лантаса пры Палаце Прадстаўнікоў ЗША – Джым МакГовэрн.
Standing up for #Belarus, @RepMcGovern argues that the best way to honor #HumanRightsDay is by supporting those who continue to fight for free speech, free expression, and fair elections. #PressFreedom #EndImpunity pic.twitter.com/Ik2Di5iUVS
— PEN America (@PENamerica) December 10, 2020
Пераклад прамовы:
Добры дзень, я кангрэсмэн Джым МакГовэрн, cу-старшыня Камісіі па правах чалавека Тома Лантаса пры Палаце Прадстаўнікоў ЗША. 10 снежня, у гэты чацвер – Дзень правоў чалавека. Найлепшым чынам адзначыць 72-годдзе з дня прыняцця Універсальнай Дэкларацыі правоў чалавека можна праз падтрымку смелых людзей ва ўсім свеце – тых, хто зараз змагаецца за ператварэнне ідэалаў правоў чалавека ў рэчаіснасць. Менавіта такая барацьба цяпер разгортваецца ў Беларусі. Цягам ужо некалькіх месяцаў беларускі народ патрабуе палітычных пераменаў, праз пратэсты і страйкі, падобных якім не адбывалася з 1991. Але замест таго, каб адказаць на патрабаванні народа, рэжым Аляксандра Лукашэнкі разгарнуў брутальны пераслед пратэстуючых. Службы бяспекі выкарыстоўвалі празмерную агрэсію, больш за 27.000 чалавек былі арыштаваныя, і пратэстоўцаў караюць усё больш жорстка і сувора. На момант пачатку лістапада было зафіксавана больш за 2,000 выпадкаў катаванняў. Праваабаронцаў, юрыстаў і журналістаў пераследвалі і арыштоўвалі за тое, што яны ўсяго толькі рабілі сваю працу. Некаторых з іх абвінавачваюць па крымінальнай справе. Я прашу вас, адзначаючы Дзень правоў чалавека на гэтым тыдні, калі ласка, далучыцеся да мяне ў закліку да ўрадаў Беларусі неадкладна вызваліць адвольна затрыманых, забяспечыць і паважаць права на мірныя сходы, і распачаць незалежнае, справядлівае і грунтоўнае расследванне ўсіх выпадкаў катаванняў ды іншых парушэнняў правоў чалавека, у тым ліку смерцяў як мінімум 4 пратэстуючых. Замест зварота да рэпрэсіяў, урад Беларусі павінен гарантаваць усім грамадзянам права ўдзельнічаць у дзяржаўных справах і ажыццяўляць гэтыя дзеянні бяспечна і свабодна. Дзякуй вам за адстойванне правоў чалавека.
Свае відэа запісалі кангрэсвумэн ад штата Невада і сябра Камітэта па замежных справах Дзіна Цітус. Дзіна ў сваёй прамове адзначыла:
“Я падтрымліваю мірных пратэстоўцаў у Беларусі, якія працуюць над тым, каб прыцягнуць да адказнасці свой урад, і рухаюцца да дэмакратыі, асабліва падтрымліваю намаганні беларускіх жанчын, якія адыгралі такую важную ролю ў пратэставым руху.
.@repdinatitus, a member of the Committee on Foreign Affairs, is standing up for #Belarus. She knows that we all have the right to choose our future; this #HumanRightsDay, let’s all call on the government of Belarus for change and freedom. #PressFreedom #EndImpunity pic.twitter.com/DYOzDXar4n
— PEN America (@PENamerica) December 10, 2020
Таксама відэа салідарнасці запісаў сенатар штата Флорыда Марка Рубіо:
“Я хачу сказаць усім беларусам – вы не адны, вы не забытыя. Многія ў ЗША і ў Кангрэсе падтрымліваюць вас”.
.@SenRubioPress joins @penamerica, @pen_belarus & other human rights organizations in calling for free & fair elections in #Belarus. He reminds the people of Belarus that, as they fight for their rights, they are not forgotten. They are not alone. #HumanRightsDay #PressFreedom pic.twitter.com/p9Dh63n711
— PEN America (@PENamerica) December 10, 2020