Дзмітрыеў быў прызнаны вінаватым у ліпені па надуманых абвінавачваннях, якія ПЭН Амерыка і іншыя эксперты лічаць помстай за яго працу, накіраваную супраць зверстваў сталінскай эпохі і за яго працу з праваабарончай групай «Мемарыял». У сумеснай заяве ПЭН Амерыка, Беларускі ПЭН і Украінскі ПЭН заявілі, што гэты падоўжаны прысуд з’яўляецца прамой атакай на гістарычныя даследаванні і акадэмічную свабоду ў Расіі.
“Настойлівасць, з якой расійскі ўрад імкнецца прымусіць замаўчаць адзін з самых бліскучых акадэмічных розумаў краіны, толькі даказвае, наколькі гэты ўрад баіцца гістарычнай праўды, якая можа быць раскрытая дзякуючы працы Дзмітрыева”, – заявіла дырэктарка праграмы ПЭН Амерыка па Еўразіі Паліна Садоўская. “Гэты новы прысуд да 13 гадоў турэмнага зняволення ў разгар пандэміі для 64-гадовага гісторыка з дрэнным здароўем фактычна з’яўляецца смяротным прысудам. Прыйшоў час міжнароднай супольнасці, акадэмічных колаў, інтэлектуалаў і ўсіх, каму неабыякавыя гістарычныя ісціны, аб’яднацца ў закліку да неадкладнага вызвалення Юрыя Дзмітрыева”.
Падоўжаны прысуд быў вынесены за зачыненымі дзвярыма: ні Дзмітрыеў, ні ягоны адвакат не прысутнічалі. Як паведамляе «Мемарыял», суд таксама паспрабаваў перагледзець абвінавачванні, якія ўжо былі знятыя падчас папярэдняга разгляду.
Больш падрабязная інфармацыя аб справе Юрыя Дзмітрыева.