Александр Лукашэнка, які маніпуляваў афіцыйнымі вынікамі прэзідэнцкіх выбараў, зноў выстаўляе сябе як несумленны дэспат. Незлічоныя акты гвалту над мірнымі ўдзельнікамі акцыі зафіксаваныя ў апошнія некалькі дзён, у тым ліку, жорсткае абыходжанне, збіццё і згвалтаванні. Гэта не пакідае сумневаў у тым, што Лукашэнка будзе імкнуцца захаваць уладу любымі спосабамі. Правы чалавека і свабода слова не маюць ніякага значэння для прэзідэнта.
Дзесяцігоддзямі пісьменнікаў, журналістаў і блогераў прыгнятаў і пераследаваў аўтакратычны рэжым. Нешматлікія СМІ знаходзяцца пад дзяржаўным кантролем, інфармацыйныя парталы былі заблакаваныя, а апошнім часам нават Інтэрнэт быў адключаны, каб стрымліваць пратэсты.
Нямецкі ПЭН-цэнтр выказвае вялікую павагу мірнаму апазіцыйнаму руху. Мы падтрымліваем заклік Нобелеўскай лаўрэаткі і былой стыпендыяткі праграмы “Пісьменнікі ў выгнанні” (Writers in Exile) нямецкага ПЭН-цэнтра Святланы Алексіевіч пра неадкладную адстаўку прэзідэнта Беларусі Аляксандра Лукашэнкі. Вінаватыя ў рэпрэсіях супраць дэманстрантаў павінны быць прыцягнуты да адказнасці, а ўсе палітвязні – вызваленыя.
Наша бясспрэчная салідарнасць адрасуецца не толькі беларускім пісьменнікам і дзеячам культуры, але і ўсяму беларускаму народу. Лёс Беларусі не павінен знаходзіцца ў руках аўтакрата, таму мы звяртаемся да ўрада Германіі і ўсіх дзяржаў Еўрапейскага Саюза з просьбай працягваць падтрымліваць рух дэмакратыі ўсімі спосабамі, каб забяспечыць свабодныя, сумленныя і празрыстыя выбары ў Беларусі.
Тэкст заявы можна прачытаць у арыгінале на сайце ПЭНа Германіі.