Анлайн-выстава пратэстных плакатаў збірае фотаздымкі

Апошняе абнаўленне: 19 жніўня 2020
Анлайн-выстава пратэстных плакатаў збірае фотаздымкі
Аляксандр Драгавоз
Інтэрнэт-часопіс “ПрайдзіСвет” пачынае збіраць фотаздымкі пратэсных плакатаў: многія з іх з’яўляюцца выдатнымі ўзорамі мастацкай і літаратурнай творчасці, якія мусяць захавацца для гісторыі.

Цяпер фотаздымкі размяшчаюцца ў альбоме “Анлайн-выстава пратэсных плакатаў” на фэйсбуку, а пасля будуць перанесеныя на сайт часопіса.

“Анлайн-выстава пратэсных плакатаў” – гэта лагічнае завяршэнне праекту “Лета з “ПрайдзіСветам”, у межах якога каманда часопіса на працягу летніх месяцаў падрыхтавала шэраг матэрыялаў пра сусветную літаратуру і культуру.

Дасылайце фотаздымкі плакатаў, якія вы зрабілі самі ці пабачылі ў горадзе, у каментары да альбома на фэйсбуку, у прыватныя паведамленні суполкі “Часопіс перакладной літаратуры “ПрайдзіСвет” ці на адрас [email protected]. Пры жаданні пазначайце месца, дату, аўтараў/аўтарак плаката і/ці фотаздымка. Каманда часопіса будзе штодня публікаваць іх у фотаальбоме.

Давайце разам захаваем гэтую старонку нашай гісторыі!