![Дыскусія «(Не) жаночае аблічча беларускай літаратуры»](/wp-content/uploads/2016/06/1465943922_13423940_10153575981696497_5836918752004848049_n.jpg)
20 чэрвеня адбудзецца прэзентацыя новага нумару часопіса перакладной літаратуры «ПрайдзіСвет» і адкрытая гутарка пра ролю і вобраз жанчыны ў беларускай літаратуры.
Узброіўшыся рознымі інструментамі, пісьменніцы, літаратурныя крытыкесы, перакладчыцы, выкладчыцы і даследчыцы літаратуры паспрабуюць паставіць пад сумнеў непахіснасць беларускага канону і сцверджанне, што сапраўдную літаратуру стваралі толькі мужчыны.
Гутарка будзе прысвечаная гісторыі беларускай жаночай літаратуры 20 стагоддзя, рэпрэзентацыі пісьменніц у СМІ, асаблівасцям выяўлення жаночых вобразаў у школьнай праграме і ў творах сучасных беларускіх пісьменнікаў.
![Дыскусія «(Не) жаночае аблічча беларускай літаратуры» Дыскусія «(Не) жаночае аблічча беларускай літаратуры»](https://penbelarus.org/uploads/posts/2016-06/1465943884_13427792_10153575865756497_3924008211195521806_n.jpg)
У дыскусіі возьмуць удзел: Аксана Данільчык, Раіса Баравікова, Алена Казлова, Марына Казлоўская, Ганна Янкута.
Мадэратарка: Юля Цімафеева.
Месца: Літаратурны музей Петруся Броўкі (вул.К.Маркса, 30).
Пачатак 18.30.
Уваход вольны!
Падзея ў Facebook па спасылцы.