Сябры, сёння мы даведаліся, што паводле рашэння суда Чыгуначнага раёна горада Гомеля 16 лютага 2026 года наш сайт і старонкі ў сацсетках абвешчаныя «экстрэмісцкімі».
У сувязі з гэтым мы мусім заклікаць тых, хто застаецца ў Беларусі, адпісацца ад нашых сацсетак.
Вось спіс нашых старонак, абвешчаных «экстрэмісцкімі»:
- старонка ў «Facebook» пад назвай «Беларускі ПЭН / PEN Belarus»;
- старонка ў «X» (былы «Twitter») пад назвай «PEN Belarus»;
- старонка ў «Linktree» пад назвай «@pen_belarus»;
- сайт Беларускага ПЭНа;
- YouTube-канал пад назвай «PEN Belarus»;
- старонка на «Patreon» пад назвай «PEN Belarus»;
- раней «экстрэмісцкімі» былі абвешчаныя нашыя старонкі ў Telegram i Instagram.
Беларускі ПЭН заўсёды застаецца адданы свабодзе слова і правам чалавека і будзе працягваць працу, нягледзячы на перашкоды з боку дзейнай улады. Беражыце сябе!