Людзі Слова ў няволі (19)
Пошук

Аляксандр Васілевіч


Фота: Данілы Парнюка
Сузаснавальнік анлайн-выданняў kyky.org і TheVillage-Беларусь, уладальнік агенцтва Vondel/Hepta і Галерэі сучаснага мастацтва Ў, аўтар напісанай у зняволенні кнігі казак «Папа и пингвин».

Першы раз быў затрыманы 28 ліпеня 2020 года супрацоўнікамі міліцыі ў будынку КДБ, куды ён разам з іншымі грамадзянамі прынёс хадайніцтва аб змене меры стрымання Віктару Бабарыку. Прыцягнуты судом Фрунзенскага раёна г. Мінска да адміністрацыйнага арышту тэрмінам на 14 сутак за ўдзел у несанкцыянаваным сходзе.

Арыштаваны 26 жніўня 2020 года па крымінальным абвінавачанні. У кватэры, офісе і кампаніях, якімі ён кіраваў, адбыліся ператрусы. З-за ўзятай у адваката падпіскі аб неразгалошванні матэрыялаў следства невядома, па якім артыкуле Крымінальнага кодэкса.

7 верасня 2020 года прызнаны палітвязнем. 2 снежня нарадзілася яго дачка Уршуля, яе ён бачыў толькі на фотаздымках.

За кратамі Аляксандр Васілевіч напісаў кнігу казак для дачкі Адэлі. Электронную кнігу «Папа и пингвин» з дзевяццю казкамі выпусціла жонка Аляксандра Васілевіча – Надзея Зелянкова. Кніга казак даступная для спампоўвання ў інтэрнэце.

Адрас для ліставання: Аляксандр Анатольевіч Васілевіч, 220030, вул. Валадарскага, 2, СІЗА-1, г. Мінск.