![Чэшскі ПЭН асуджае гвалт супраць дэманстрантаў](/wp-content/uploads/2020/08/1511839388_1511694211159564519_logo.jpg)
Чэшскі ПЭН выказвае салідарнасць з народам Беларусі і заклікае беларускія ўлады паважаць правы чалавека.
Сябры Чэшскага ПЭН клуба, усведамляючы абавязак актыўна абараняць свабоду слова па ўсім свеце, асуджаюць гвалт з боку сілавых структур супраць дэманстрантаў, якія выказваюць сваю пазіцыю, а таксама супраць выпадковых мінакоў у Мінску і ў іншых месцах у краіне. Асабліва нас непакояць паведамленні пра затрыманне і магчымае знікненне галоўнага рэдактара выдання Наша Ніва Ягора Марціновіча. Заклікаем беларускія ўлады да павагі да свабоды слова і свабоды сходаў і іншых фундаментальных правоў чалавека і прынцыпаў дэмакратыі і законнасці.