Беларускі ПЭН-цэнтр разам з Саюзам пісьменнікаў Літвы абвяшчаюць конкурс новых перакладаў на літоўскую мову вершаў класіка беларускай паэзіі Максіма Багдановіча (1891 — 1917).
На конкурс прымаюцца раней не публікаваныя пераклады асобных вершаў Багдановіча. У выпадку падборкі з некалькіх перакладаў ацэнка будзе рабіцца па найлепшым вершы з падборкі па меркаванні журы.
У журы конкурсу ўваходзяць: Уладас Бразюнас, Альма Лапінскене, Сяргей Шупа.
Пераклады на конкурс прымаюцца на адрас [email protected] з пазнакай “Bahdanovičius” да 1 мая.
Узнагарода за першае месца — 150 еўра, два дадатковыя прызы — па 100 еўра.