Пачаўся літаратурны конкурс «Першая глава»

Апошняе абнаўленне: 20 кастрычніка 2015
Пачаўся літаратурны конкурс «Першая глава»
Да 31 кастрычнiка прымаюцца работы на конкурс для пачынаючых аўтараў «Першая глава».

Да 31 кастрычнiка прымаюцца работы на конкурс для пачынаючых аўтараў «Першая глава».

Пераможцы конкурсу абіраюцца ў некалькіх намінацыях: «Выбар чытачоў», «Выбар прафесійнага журы». Галоўны прыз – выданне кнігі ў друкаваным альбо электронным выглядзе, а таксама арганізацыя рэкламнай кампаніі ў яе падтрымку (сустрэчы з чытачамі, стварэнне прафесійнага буктрэйлера).

Паўдзельнічаць у конкурсе можа любы аўтар, які жыве на тэрыторыі Беларусі і піша на рускай альбо беларускай мовах. Да ўдзелу прымаецца проза (аповесці, раманы), якая раней ніколі не выдавалася, незалежна ад удзелу аўтара ў іншых конкурсах. Аб’ём тэксту – не менш за 400 000 знакаў з улікам прабелаў (10 аўтарскіх аркушаў).

Падрабязней аб праекце і правілах удзелу можна прачытаць на сайце конкурсу.

Работы на конкурс прымаюцца з 1 па 31 кастрычніка 2015 г.

Пераможцу ўрачыста аб’явяць у лютым 2016 г. падчас Міжнароднай кніжнай выставы-кірмашу ў Мінску. Арганiзатар – выдавецтва «Рэгістр».