Вакансія! Беларускі ПЭН шукае адмыслоўца ці адмыслоўцу ў SMM
Пачытаць пра Беларускі ПЭН можна тут.
Мы працуем з Варшавы, вядзём дзейнасць у двух кірунках: творчы (літаратурныя прэміі, перакладчыцкая майстэрня, творчыя івэнты) і праваабарончы (маніторынг, аналітычныя справаздачы, адвакацыя).
Увага: 27 лютага 2026 года КДБ Беларусі прыняў рашэнне аб прызнанні Беларускага ПЭНа «экстрэмісцкім фарміраваннем».
Чаго мы чакаем ад вас:
– добрае веданне беларускай мовы, пісьменнасць;
– гатоўнасць працаваць у рэжыме шматзадачнасці, арганізаванасць, увага да дэталяў;
– разуменне сучаснага культурнага кантэксту і цікавасць да беларускай літаратуры;
– разуменне сучаснага медыйнага поля і кантакты ў беларускіх незалежных СМІ будуць істотным плюсам;
– высокі ўзровень адказнасці, ініцыятыўнасці, гатоўнасць працы ў камандзе;
– досвед працы з сацсеткамі: Facebook, Instagram, Telegram, YouTube;
– досвед працы з графічнымі рэдактарамі Canva pro і іншымі;
– досвед працы з рэкламным кабінетам Meta і разуменне наладак таргетавання рэкламы;
– уменне дамаўляцца з іншымі арганізацыямі/паблікамі/каналамі на крос-публікацыі;
– навыкі працы ў Word Press і MailChimp, а таксама ў простым відэамантажы будуць плюсам;
– гатоўнасць да паездак (пры неабходнасці);
– валоданне польскай і англійскай мовай вітаецца.
Мы шукаем чалавека, які стане часткай нашай каманды на доўгі час. Улічваючы спецыфіку працы, неабходна будзе глыбока ўнікнуць у дзейнасць арганізацыі, а нашая мара – каб вы засталіся з намі надоўга.
Абавязкі:
– Вядзенне сайта (WordPress) і сацсетак Беларускага ПЭНа (Facebook, Instagram, Telegram).
– Камунікацыя з медыя, прадстаўленне ім інфармацыі для размяшчэння.
– Стварэнне/апрацоўка кантэнту і адаптацыя яго да розных пляцовак інфармацыі, падрыхтоўка публікацый і іх прасоўванне.
– Распрацоўка кантэнт-плана.
– Распрацоўка суправаджальных візуальных матэрыялаў.
– Шчыльная супраца з камандай.
– Удзел у распрацоўцы камунікацыйнай стратэгіі арганізацыі.
– Удзел у арганізацыі творчых імпрэз з пункту гледжання камунікацыі.
– Іншыя даручэнні кіраўніцтва ў камунікацыйным кірунку.
Мы абяцаем:
– незвычайныя праекты;
– творчы калектыў;
– цікавыя знаёмствы з дзеячамі культуры і літаратарамі Беларусі (і не толькі).
Умовы:
Праца на поўны працоўны дзень.
Увядзенне і прыём спраў – пачатак студзеня 2027-га.
Месца: Варшава (праца ў офісе, але пры неабходнасці можна пару дзён на тыдзень працаваць дыстанцыйна).
На пачатку працы заробак складзе 1200 еўра брута з магчымасцю росту ў залежнасці ад кампетэнцый і бягучых праектаў.
Для таго, каб падаць заяўку, запоўніце, калі ласка, гугл-форму да 30.11.2026.
Адабраныя кандыдаты/кандыдаткі будуць запрошаны на сумоўе ў снежні.