24 траўня 2025 года ў Варшаве адбылася цырымонія ўручэння прэміі імя Наталлі Арсенневай – адной з найважнейшых узнагарод у галіне беларускай паэзіі. Штогод прэмія адзначае творы, што захапляюць, кранаюць і перажываюць час. Цырымонія прайшла ў цёплай атмасферы ў Беларускім моладзевым хабе. Спецыяльнымі госцямі падзеі сталі кампазітарка, музыка Вольга Падгайская і міждысцыплінарная артыстка Анастасія Рыдлеўская.
Пераможца і фіналісты
Рашэннем журы пераможцам абраны Сяргей Прылуцкі з паэтычным зборнікам «Нічога нястрашнага». Гэтае выданне стала першым сярод дзесяці намінантаў доўгага спісу і трох кніг фіналу:
- «Момант цішыні» – Надзея Амельчанка (зашыфраваны ўдзел, сапраўдныя звесткі пра кнігу і аўтарства не абвяшчаюцца публічна)
- «Нічога нястрашнага» – Сяргей Прылуцкі («hochroth Minsk»)
- «Дзікае паляваньне караля Стаха: Вершы да опэры» – Андрэй Хадановіч («Gutenberg Publisher»)
Перамога аўтара адзначана наступнымі словамі: «За голас чалавечай любові ў час вайны і бесчалавечнасці».
Журы прэміі
Пяцёра адданых паэзіі людзей ацэньвалі кнігі сёлета. Сярод публічных сябраў журы:
Ульяна Верына — літаратуразнаўца, доктарка філалагічных навук
Сяргей Дубавец — пісьменнік, рэдактар, літаратуразнаўца, крытык
Ганна Шакель — паэтка і перакладчыца, рэдактарка часопіса «Taŭbin», лаўрэатка прэміі Арсенневай за 2023 год
Арганізатары і партнёры
Прэмію ладзяць Беларускі ПЭН і Міжнародны саюз беларускіх пісьменнікаў у партнёрстве з Беларускім моладзевым хабам. Уручэнне адбылося пры падтрымцы фондаў «Estate of Vitaut Kipel» і «Belarusian Charitable Trust».
Больш інфармацыі
Неўзабаве выйдзе вялікі рэпартаж з цырымоніі прэміі з усімі падрабязнасцямі. Сачыце за навінамі на penbelarus.org, bellit.info і ў сацыяльных сетках арганізатараў.