3 сакавіка (аўторак) у Галерэі Ў (пр. Незалежнасьці, 37А) а 19.00 адбудзецца публічная лекцыя Андрэя Хадановіча “Як быць паэтам, не прыцягваючы ўвагі санітараў?”.
Несусьветная лекцыя да Сусьветнага дня пісьменьніка (у пытаньнях і адказах)
1. “Беларуская паэзія робіцца ўсё лепшая. Хутка яе зусім перастануць чытаць”.
2. Паэт у Беларусі большы, чым хто? Ці мае значэньне памер?
3. Ці варта выклікаць хуткую, калі да цябе (да твайго суседа-паэта) прыляцелі анёлы?
4. Курс маладога паэта: ці можна навучыць (навучыцца) натхненьню?
5. Як ненавідзець сьвет, патрабаваць за гэта любові й наракаць на несправядлівасьць? (Паэт і “паэтычныя” паводзіны.)
6. Ці варта пісаць па-руску (ангельску, кітайску), каб хутчэй выдацца ва ўсіх краінах сьвету?
7. Гедройць у руках і нобэль у небе. Як беларускія паэты пішуць раманы?
8. Як паэты ўпадаюць у дзяцінства і (часам) вяртаюцца назад. Зь дзіцячымі кніжкамі.
9. Чаму я ненавіджу паэтычны слэм, але часам ім займаюся?
10. Чаму бяздарныя вершы ў юцьюбах, мп3 і буктрэйлерах выглядаюць яшчэ больш бяздарнымі?
11. Чаму часам лепей перакладаць, чым гаварыць?
12. “Поэтом можешь ты не быть, / А музыкантом быть не можешь”. Паэзія, аўтарская песьня, джаз і рок-н-рол. Ці варта паэту (перакладчыку) займацца музыкай?
13. Як паменей парыцца (піярыцца) усім пералічаным?