Паліна Піткевіч – літаратарка, журналістка.
Нарадзілася ў 1994 годзе. Скончыла журфак, спецыяльнасць «Літаратурная работа».
24 лютага 2025 года стала вядома пра яе арышт.
7 сакавіка 2025 года ў Мінскім гарадскім судзе пачнецца разгляд крымінальнай справы, у якой Паліну Піткевіч абвінавачваюць паводле ч. 3 арт. 361-1 Крымінальнага кодэкса (удзел у экстрэмісцкім фарміраванні). КДБ лічыць Паліну Піткевіч датычнай да «экстрэмісцкага фарміравання» «MediaIQ» – праекта Прэс-клуба для павышэння медыяпісьменнасці.
Паліна Піткевіч пісала журналісцкія матэрыялы на культурніцкія тэмы, грала як актрыса ў Лабараторыі сацыяльнага тэатра ў Мінску.
Заняла трэцяе месца ў літаратурным конкурсе «Неба з сабою», які ладзіўся Беларускім ПЭНам у межах Вандроўнага фэсту Уладзіміра Караткевіча ў 2020 годзе.
Лаўрэатка літаратурнай прэміі «Эксілібрыс» у 2016 годзе.
Друкавалася ў часопісе «Дзеяслоў».