Палітычны пераслед:
Затрыманы 21 студзеня 2024 года, абвінавачаны паводле арт. 361.4 Крымінальнага кодэкса (садзейнічанне экстрэмісцкай дзейнасці).
У 2024 годзе суд Цэнтральнага раёна Мінска прызнаў «экстрэмісцкімі» тры кнігі Ігара Мельнікава: Нiчыпарук П. К., Мельнiкаў I. B. Адысея палешука. Мінск: Альфа-кніга, 2017; Мельнікаў, I. B. Забыты корпус: гісторыя польскага войска на тэрыторыі Бабруйшчыны ў 1918, 1919–1920 гадах. Мінск: Альфа-кніга, 2018; Мельнiкаў, I. B. На «мяжы цывілізацый». Старонкі гісторыі даваеннага савецка-польскага кардона ў Беларусі. Мінск: Альфа-кніга, 2020.
13 верасня 2024 года Мінскі гарадскі суд вынес рашэнне ў крымінальнай справе Ігара Мельнікава: пазбаўленне волі на 4 гады ў калоніі агульнага рэжыму паводле арт. 361.4 Крымінальнага кодэкса (садзейнічанне экстрэмісцкай дзейнасці).
Творчая дзейнасць:
Выпускнік гістарычнага факультэта Беларускага дзяржаўнага педагагічнага ўніверсітэта імя Максіма Танка (2002), Варшаўскага ўніверсітэта (2005). Кандыдат гістарычных навук (2011).
Лаўрэат Прэміі імя Вацлава Ластоўскага за папулярызацыю ведаў па гісторыі Беларусі (2014).
У 2021 годзе атрымаў прэмію імя Льва Сапегі, заснаваную Цэнтрам усходнееўрапейскіх даследаванняў Варшаўскага ўніверсітэта і Калегіумам Усходняй Еўропы.
На фоне масавых рэпрэсій заняў праўладную пазіцыю, выдаў кнігу «Калабарацыянізм. Анатомія здрады» (2023), рыхтаваў да друку кнігу «Прыступіць да ліквідацыі» – пра дзейнасць супрацоўнікаў савецкіх спецслужбаў у пасляваеннай Беларусі.
Адрас для ліставання: Ігар Вячаслававіч Мельнікаў, СІЗА № 1, Навадворскі сельсавет, 143/4, 223016, в. Пашкавічы, Мінскі раён, Мінская вобласць.
Публікацыі:
https://kamunikat.org/melnikau-ihar
Месца зняволення:
Месцазнаходжанне высвятляецца.