Міжнародны ПЭН глыбока ўстурбаваны з нагоды вялізнага штрафу, накладзенага “за незаконную дзейнасць” на Ігара Логвінава, лаўрэата міжнароднай выдавецкай прэміі і сябра Беларускага ПЭН-цэнтра.

Дзясяткі пісьменнікаў прыйшлі падтрымаць Логвінава ў суд з Міністэрствам інфармацыі.

У панядзелак, 18 лістапада, у 12:00 Вышэйшы гаспадарчы суд Беларусі будзе разглядаць скаргу выдавецтва “Логвінаў” да Міністэрства інфармацыі Беларусі з просьбай адмяніць загад аб пазбаўленні сябра Беларускага ПЭН-цэнтра Логвінава выдавецкай ліцэнзіі.

Каля 60 нямецкамоўных пісьменнікаў, крытыкаў і выдаўцоў, уключаючы лаўрэатаў Нобелеўскай прэміі Гюнтэра Граса і Эльфрыду Елінэк, падпісаліся пад адкрытым лістом нямецкага ПЭН-цэнтра Міністру інфармацыі Беларусі Алегу Праляскоўскаму з пратэстам супраць пазбаўленьня ліцэнзіі выдавецтва Ігара Логвінава.