ДАДАТАК № 1 да Статута
РЭГЛАМЕНТ ПРАВЯДЗЕННЯ
ПРЭМІІ ІМЯ ФРАНЦІШКА АЛЯХНОВІЧА
Ў 2027 ГОДЗЕ (за творы, напісаныя ў перыяд з 1 кастрычніка 2025 года да 31 снежня 2026 года)
- Прэміяй узнагароджваюцца аўтар/аўтары арыгінальных дакументальных і мастацкіх твораў у розных літаратурных жанрах (проза, паэзія, драматургія і інш.), напісаных у зняволенні (у тым ліку ўзноўленых аўтарамі пасля знішчэння або канфіскацыі рукапісаў у зняволенні) або на тэму зазнанага аўтарам зняволення.
- На разгляд прымаюцца творы на беларускай і рускай мовах, як апублікаваныя, так і неапублікаваныя.
- Твор, які намінуецца на конкурс Прэміі, мусіць быць напісаны паміж 1 кастрычніка 2025 года і 31 снежня 2026 года.
- Няма абмежаванняў на ўдзел для пераможцаў і лаўрэатаў мінулых гадоў.
- Уладальнікі аўтарскіх правоў захоўваюць аўтарскія правы на свае творы. Дасылаючы творы на конкурс або выказваючы згоду на ўдзел, праваўладальнікі пагаджаюцца з умовамі конкурсу і перадаюць Арганізатару конкурсу неабмежаваныя невыключныя маёмасныя правы на выкарыстанне вокладак і фрагментаў твораў (да пяці старонак) у сувязі з конкурсам без якой-кольвек узнагароды. Самі творы могуць захоўвацца ў архівах конкурсу.
- Тэрміны правядзення паасобных этапаў Прэміі вызначаюцца цягам прэміяльнага сезона, інфармацыя пра тэрміны абвяшчаецца на сайце і ў сацсетках Беларускага ПЭНа.
- Твор можа ўдзельнічаць у конкурсе Прэміі са згоды аўтара (усяго аўтарскага калектыву ці яго асобных чальцоў). Пры немагчымасці самастойнай падачы заяўкі праз знаходжанне аўтара ў зняволенні гэта могуць зрабіць блізкія сваякі аўтара або іншыя ўпаўнаважаныя асобы.
- Паводле просьбы намінантаў, са згоды Арганізатара, імя і прозвішча аўтара, назва твора могуць зашыфроўвацца і не раскрывацца публічна.
- З удзелу ў конкурсе Прэміі выключаюцца творы, аўтарамі ці суаўтарамі якіх з’яўляюцца сябры Журы, Каардынатар і/ці асобы, якія маюць дачыненне да падліку галасоў, а таксама асобы, якія маюць дачыненне да кантрольна-рэвізійных органаў арганізатараў.
- Літаратурная прэмія імя Францішка Аляхновіча ў 2027 годзе (за творы, напісаныя ў перыяд з 1 кастрычніка 2025 года і 31 снежня 2026) прадугледжвае грашовую ўзнагароду. Сума ўзнагароды вызначаецца Арганізатарам на працягу прэміяльнага сезона.
- Заяўка на Прэмію мусіць утрымліваць наступныя звесткі і матэрыялы:
11.1. Інфармацыя пра намінатара, які вылучае твор на Прэмію: імя, прозвішча ці назва арганізацыі, e-mail, кантакт у месенджары;
11.2. Кароткая творчая біяграфія аўтара (або кожнага з суаўтараў) і кантактныя нумары тэлефонаў, e-mail (або кантакты іх прадстаўнікоў);
11.3. Інфармацыя пра зазнанае аўтарам зняволенне: перыяд (даты і тэрміны) і абставіны зняволення, прычыны пераследу, а таксама звесткі пра тое, ці знаходзіцца аўтар у зняволенні на момант падачы заяўкі;
11.4. Поўная назва, выдавецтва, год выдання, ISBN кнігі або спасылка на публікацыю (калі твор апублікаваны) або назва твора і год напісання (калі твор не апублікаваны);
11.5. Тэкст твора ў электроннай версіі і вокладка (пры наяўнасці).
- Заяўкі на конкурс Прэміі неабходна дасылаць, запаўняючы google-форму.
- Тэрмін прыняцця заявак заканчваецца 20 студзеня 2027 года да 23:59 беларускага часу. Няпоўныя заяўкі і заяўкі, што паступяць пазней за гэтую дату, прымацца да ўдзелу ў конкурсе Прэміі не будуць.
- Творы, атрыманыя для намінавання на Прэмію, не рэцэнзуюцца і не вяртаюцца.