Дызайнера найлепшай кніжнай вокладкі ўзнагародзяць а 17-й гадзіне ў культурным хабе Ок16 (вул.Кастрычніцкая 16).

Да ўдзелу прымаліся вокладкі беларускіх папяровых кніг, якія выйшлі ў 2018 годзе.

Прэмія заснаваная сёлета ў памяць пра чалавека шматлікіх талентаў – мастака, паэта, фатографа, дызайнера, публіцыста, культуролага Міхала Анемпадыстава, які пайшоў з жыцця год таму.

Канцэрт памяці мастака, дызайнера і паэта Міхала Анемпадыстава і кампанія ў падтрымку новага выдання яго кнігі “Колер Беларусі”.